வேலணை மேற்கு சைவப் பாரம்பரியத்தில் பல்வேறு சிறப்புக்களைக் கொண்டது. வேலணை மேற்கு பெரியபுலம் மகாகணபதிப் பிள்ளையார் ஆலயம் இந்த கிராமத்தின் இதயம் போன்றது. இந்த ஆலய சூழலில் பண்டிதர்கள், புராணிகர்கள், புலவர்கள் , இலக்கிய ஆராய்ச்சி விற்பன்னர்கள் வாழ்ந்தார்கள். கோவிலில் கூடி பெரிய புராணம், கந்தபுராணம், திருவாதவூரடிகள் புராணம் வாசித்து உரை சொல்கின்ற நீண்ட பண்பாட்டுபாரம்பரியம் இங்கு வளர்ந்திருந்தது.
இவ்வூரில் கந்தப்பு உபாத்தியாயர், பொன்னையா உபாத்தியாயர், சட்டம்பியார், முருகேசு உபாத் தியாயர், நாகலிங்க உபாத்தியாயர், இராஜா உபாத்தியாயர், தம்பு உபாத்தியாயர் இவர்களின் வரிசையில் பிற்காலத்தில் முத்து உபாத்தியாயர், சதாசிவம் விதானையார், அப்பாத்துரை உபாத்தியாயர் (பேரம்பல உபாத்தியாயர்) வே. பசுபதிப்பிள்ளை உபாத்தியாயர், ச. மகாலிங்க விதானையார் ஆகியோர் அவ்வப்போது புராணபடன குழுவில் தமது பங்கைச் செலுத்தி சைவமும், தமிழும் வளர பங்காற்றினார்கள்.
இவர்களின் பாரம்பரியத்தில் தோற்றம் பெற்ற ஒரு பாடசாலையாக நடராஜா வித் தியாலயம் விளங்கியது. நாவலர் மாணவர் அமரர் கந்தப்பர் ஸ்தாபித்த சைவப்பிரகாச வித்தியாசாலை அமரர் இராஜா உபாத்தியாயர் (செங்கமலையர் கனகசபாபதிப்பிள்ளை) அவர்கள் ஸ்தாபித்த நடராஜா வித்தியாசாலை, வேலணை மத்திய கல்லூரி ஆகியவை வேலணை மேற்கு பகுதியில் சிறப்பாக கல்விப்பணியாற்றி வருகின்றன.
வேலணை மேற்கில் “நெல்லாவில்” என்ற பெயர் கொண்ட குறிச்சியே இராஜா உபாத் தியாயரின் பிறப்பிடமாகவும், வசிப்பிடமாகவும் விளங்கியது. இங்கு குருபூசை மடங்கள், சிவபூசை செய்யும் மடங்கள் அமைந்திருந்தன. இராஜா உபாத் தியாயரின வழிகாட்டலில் அனைவருக்கும் கல்வி முதல் அனைத்து நிலைகளிலும் எல்லோருக்கும் வழிகாட்டப்பட்டது.
நடராஜா வித்தியாலயம் இராஜா உபாத்தியாயருடைய காணியிலேயே ஆரம்பிக்கப்பட்டது. ஆரம்ப காலத்தில் ஒலையால் வேயப்பட்ட சுண்ணாம்புக் கட்டடத்தில் ஆரம்பிக்கப்பட்டது. 1912 ஆம் ஆண்டு இப்பாடசாலை ஆரம்பிக்கப்பட்டது. இப்பாடசாலையின் முதல் ஆசிரியரும், முதல் தலைமை யாசிரியருமாக இராஜா உபாத்தியாயரே விளங்கினார். ஆரம்ப காலங்களில் மட்டுமன்றி இன்றும் ஊரில் வாழும் முதியவர்கள் இராஜா உபாத்தியாயர் பள்ளிக்கூடம் என்றே அழைப்பார்கள்.
இப்பாடசாலை சிதம்பரம் நடராஜப் பெருமானின் பெயரைக் கொண்டதாக விளங் கியது. சிதம்பரத்திற்கும் , நெல்லாவிலில் வாழ்ந்தவர்களுக்கும் இடையில் நெருங்கிய தொடர்புகள் நிலவி வந்தன. சைவம் வளர “சைவ மார்க்க போதினி” யாழ்ப்பாணத்தின் முதல் சைவப்பத்திரிகை, இராஜா உபாத்தியாயரால் அவரது சொந்த ‘நடராஜா அச்சு யந்திர சாலையில்” அச்சிட்டு வெளியிடப்பட்டது. இவருக்கு அப்பாத்துரை உபாத்தியாயர், செல்வி. செளந்தரநாயகி தம்பு ஆசிரியை ஆகியோர் உதவியாக அச்சுப் பதிவு மேற்கொள்ளப்பட்டது.
நடராஜா வித்தியாலயத்தில் ஆரம்பத்தில் ஆரம்ப வகுப்புகளும், பின்னர் க. பொ. த (சா/த) வரை வகுப்புக்களும் நடை பெற்றன. இங்கு புராணபடனம், குருபூசைகள் சிறப்பாக நடைபெற்று வந்தன. இதனுடன் ஞாயிற்றுக்கிழமைகளில் அப்பாத்துரை உபாத்தியாயர் அவர்கள் சமயபாட வகுப்புக்களை இலவசமாக நடாத்தி வந்தார். இதனால் மாணவர்கள் பலர் பயன் பெற்றனர். நவராத்திரி நாட்களில் மாணவர்கள் குழுக்களாக இணைந்து வீடுகளுக்குச் சென்று பாடல்களைப் பாடி சமய வாழ்க்கை வாழ்ந்தனர்.
காலப்போக்கில் இப்பாடசாலை அரசாங்கத்தினால் பொறுப்பேற்கப்பட்டது. பின்னர் ஒலைக் கொட்டகையாக இருந்த பழைய கட்டிடங்கள் அழிக்கப்பட்டு புதிய கட்டிடங் கள் அமைக்கப்பட்டன. இப்பாடசாலையில் பல உபாத்தியாயர்கள் கடமையாற்றியுள்ளார்கள்.
திரு. அப்பாத்துரை உபாத்தியாயர்
திரு. சரவணமுத்து உபாத்தியாயர்
திரு. ஏரம்பு உபாத்தியாயர்
செல்வி. பண்டிதை. த. வேதநாயகி
திரு. சாம்பசிவ உபாத்தியாயர்
திரு. சோமசுந்தர உபாத்தியாயர்
மாதகல் வைத்தியலிங்க உபாத்தியாயர்
இவர்கள் ஆரம்பகாலத்தில் கடமை யாற்றியவர்களில் சிலராவர். இவர்கள் வரிசையில் தலைமையாசிரியர், அதிபர்கள் பலர் பல்வேறு காலத்தில் கடமையாற்றி யுள்ளார்கள். அவர்களை பின்வருமாறு பட்டியல் படுத்தலாம்.
- திரு. செ. கனகசபாபதி(இராஜா உபாத்தியாயர்)
- திரு. க. சிவஞானசம்பந்தன்
- திரு. பொ. பொன்னுச்சாமி
- திரு. க. கனகரத்தினம்
- திருமதி. செ. கந்தசாமி
- திரு. வ. நல்லையா
- திரு. கு. சரவணபவானந்தன்
- திரு. இ. ஞானசோதியன்
ஆரம்பத்தில் தரம் 1 – 5 வரை மட்டுமே வகுப்புகள் நடைபெற்றன. பின்னர்
படிப்படியாக வகுப்புகள் அதிகரிக்கத் தொடங்கின. தற்போது க. பொ. த. (சாத) வரை வகுப்புகள் நடைபெறுகின்றன. 1960களில் விசுவலிங்கம் ஆசிரியர், தருமலிங்கம் ஆசிரியர், பொன்னுக்கோன் ஆசிரியர், முருகேசுப்பிள்ளை ஆசிரியர், திருமதி. சிவயோகம் மகாலிங்கம், இராமலிங்கப்பிள்ளை ஐயர், நடராஜா ஆசிரியர், திரு. சு. ஏரம்பு ஆசிரியர்,திரு. பேரம்பலம் ஆசிரியர் ஆகியோர் குறிப்பிடத் தக்கவர்கள்.
இப்பாடசாலை புளியங்கூடல் வேலணை ஆகிய இரண்டு கிராமங் களினதும் எல்லையில் அமைந்திருப்பதனால் இவ்விரண்டு கிராம மாணவர்கள் ஆரம்ப காலங்களில் இருந்து கல்வி கற்று வந்தனர். கிராமங்களின் உறவுப்பாலமாக இது விளங்குகிறது. சைவப்பண்பாட்டுடன் சார்ந்த உயர் விழுமியங்களை மாணவர் மத்தியில் இது வளர்த்து வந்தது. சமயபாட விசேட வகுப்புகள், புராணபடனம், குருபூசை, சமயதீட்சை ஆகிய சமய நெறியோடு சேர்ந்த பல செயற்பாடுகள் இந்த பாடசாலையில் நீண்டகாலமாக செயற்பட்டு வந்தன.
அரசாங்கம் பாடசாலையைப் பொறுப் பேற்ற பின்னர் அத்தகைய செயற்பாடுகள் – அருகி வரத் தொடங்கின. இதனால் இப்பாடசாலையின் பாரம்பரிய பண்பாட்டு நெறிமுறைகள் கைவிடப்படலாயின. எவ்வாறிருந்த போதும் இப்பாடசாலை ஆரம்பிக் கப்பட்டதன் ஆரம்பகால இலக்குகள் தொடர்ந்தும் பேணப்பட வேண்டும்.
இப் பாடசாலையில் ஆரம்பக் கல்வியைப் பெற்ற பலர் உயர்நிலை பெற்றார்கள். யாழ்ப்பாணப் பல்கலைக் கழகத்தின் கலைப்பீடாதிபதியாக விளங்கிய பேராசிரியர் செ. பாலச்சந்திரன் தனது ஆரம்பக் கல்வியை இப்பாடசாலையில் பெற்றார். வேலணைப் பிரதேச செயலாளராக பதவி வகித்த திரு. செ. இரத்தினம் இப் பாடசாலையில் ஆரம்பக் கல்வியைப் பெற்றவர். ஆரம்ப காலங்களில் வேலணை மத் திய கல் லுTரிக்கு தரம் 6க் கு மாணவர்களை அனுப்பும் பாடசாலைகளில்
ஒன்றாக இந்த வித்தியாலயம் விளங்கியது.
காலப்போக்கில் பழைய கட்டடங்கள் அழிக்கப்பட்டு புதிய கட்டடங்கள் தோற்றம் பெற்றுள்ளன. இந்த வித்தியாலயத்தின் மேற்குப் பக்கத் தில் நின்ற மிகப் பிரமாண்டமான “மாமரம்” இன்றும் பலரது மனதில் பல நினைவுகளை ஏற்படுத்தும். இது காலப்போக்கில் வீதி விஸ்தரிப்பு, மின்கம்பங்கள் காரணமாக தறித்து அகற்றப்பட்டது. இந்த வித்தியாலயத்தின் வடக்கு எல்லையில் உள்ள இல் லத்தில் தங்கியிருந்து கல்விப்பணியாற்றிய பண்டிதை வேதநாயகி அவர்களின் பணி போற்றுதற்கு உரியது. மதுரைத் தமிழ்ப் பண்டிதை பட்டம் பெற்ற வேதநாயகி அவர்களை எல்லோரும் “வேதம்மா” என்று அணி பாக அழைப்பார்கள். இவரிடம் கற்ற பலர் தமிழை அழுத்தம் திருத்தமாக இலக்கண முறைப்படி கற்றார்கள். அதனுடன் சைவ ஆசாரமுறைப் படி மாணவர் வளர நடவடிக்கை எடுத்தார். இவரிடம் கல்வி கற்க பிற ஊர்களில் இருந்தும் மாணவர்கள் வந்து சென்றனர். இவர் தம்பு உபாத் தியாயரின் மகளாவார். இவர் குடியிருந்த குடியிருப்பு நிலம் இப்போது வித்தியாலயத்திற்கு வழங்கப்பட்டுள்ளது.
சு. ஏரம்பு அவர்களும் இவ் வித்தியால பத்தில் நீண்ட காலம் கல்விப்பணி ஆற்றியவர். அத்துடன் இவர் சிறந்த விவசாயி ஆகவும், சோதிடராகவும் விளங்கினார். மேலும் நில அளவை செய்பவராகவும் செயற்பட்டார். இவரிடம் கற்ற பல மாணவர்கள் இன்றும் இவரது திறமைகளைப் புகழ்ந்து கூறுவார்கள். இவர் கணிதம் கற்பிப்பதில் சிறந்து விளங்கினார்.
அண்மைக் காலம்
1970, 1980 களில் பாடசாலை பெளதிக வள விருத்தியில் பல மாற்றங்கள் ஏற்பட்டன. பழைய கட்டடங்கள் இடித்து அழிக்கப்பட்டு புதிய கட்டடங்கள் தோற்றம் பெற்றன. பாடசாலை வளவின் வடக்குப் பக்கத்தில் 1975 இல் 120 x20 கட்டடம் அமைக் கப்பட்டது. இதில் அதிபர் அலுவலகம் உட்பட வகுப்புகள் இருந்தன. பின்னர் கிழக்கு எல்லையில் 120 x 20 இன்னொரு கட்டடம் அமைக்கப்பட்டது. 1991 இல் புலப்பெயர்விற்கு முன்னர் இந்த இரண்டு கட்டடங்கள் மட்டுமே இருந்தன.
1991 இல் வேலணையில் ஏற்பட்ட இராணுவ நடவடிக்கை காரணமாக பாடசாலையும் புலம் பெயர்ந்து யாழ்ப்பாணத்தில் சில காலம் இயங்கியது. 995 தென்மராட்சிக்கான யாழ்ப்பாண இடப்பெயர்வின் போதும் இடம் பெயர்ந்து தென்மராட்சியிலும் இயங்கியது. 1996 இன் மீள்குடியமர்வின் போது ஆரம்பிக்கப்பட்ட பாடசாலைகளில் இதுவும் ஒன்றாகும். 1996 ஏப்பிரல் மாதத்தில் இப்பாடசாலை மீளவும் ஆரம்பிக்கப்பட்டது. மாணவர் வரவு படிப்படியாக அதிகரிக்கத் தொடங்கியது. மீளக்குடியமர்வின் போது ஆரம்பத்தில் 35 மாணவர்கள் வருகை தந்தனர். படிப்படியாக மாணவர் தொகை அதிகரித்து இன்று 380 மாணவர்கள் கல்வி கற்கின்றார்கள். 14 ஆசிரியர்களும் கடமையாற்றுகிறார்கள்.
2000 ஆம் ஆண்டில் உலக வங்கி உதவியுடன் பொதுக் கல்வி சுற்று நிரூபத்தின் அடிப்படையில் 40 x 20’ அளவுடைய நவீன நூலகம் ஒன்று அமைக்கப்பட்டது. தற் போது பாடசாலையின் முன்பக்கத்தில் 90 x 25′ நீளமான இரண்டு மாடிக் கட்டடம் ஒன்று அமைக்கப்பட்டு வருகின்றது.
ஜி. ரி. சற் நிறுவன பங்களிப்புடன் மலசலகூடத் தொகுதிகள் புதிதாக நிர்மாணிக்கப்பட்டுள்ளன. புதிய நீர்த்தாங்கி ஒன்று புதிதாக அமைக்கப்பட்டுள்ளது. புளியங்கூடல் மகாமாரி அம்மன் ஆலய அறங்காவலர் திரு. து. சிவஞானச்செல்வம் அவர்களால் இது அமைத்துக் கொடுக்கப்பட்டுள்ளது.
மக்கள் பலர் மீள குடியேறாத நிலையில் இப்பிரதேசத்தின் கல்வி முன்னேற்றங்கள் இன்னமும் எதிர்பார்த்த அளவிற்கு ஏற்படவில்லை. ஆசிரியர் பற்றாக்குறை, போக்குவரத்து பிரச்சினை போன்ற பல பிரச்சினைகள் இருப்பதால் எதிர்பார்த்த விளைவுகளை ஏற்படுத்த வில்லை. இப்பிரதேசத்தில் உள்ள மக்களும் கல்வியில் பெரிய ஆர்வத்தை காட்டி வரவில்லை. தீவகப் பகுதியில் பல பாடசாலைகள் மீளகுடியமர்வின் பின்னர் மீள திறக்கப்பட்ட போதும் மாணவர்களின் கல்வி முன்னேற்றத்தில் திருப்தி அளிப்பதாக இல்லை. இடம் பெயர்விற்கு முன்னர் பல மாணவர்கள் கல்வி கற்ற பாடசாலைகள் இன்று மிகக் குறைந்த மாணவர்களுடன் இயங்குகின்றன. பலர் இன்னமும் வேலணையில் மீளக்குடியேறவில்லை.
நடராஜா வித்தியாலயம் முதன்மை பெறுவதற்கு பலர் அர்ப்பணிப்புடன் பணியாற்றியிருக்கிறார்கள். தற்போதுள்ள அதிபர் திரு. இ. ஞானசோதியன் அவர்கள் நீண்ட காலம் ஆசிரியராக இங்கு கடமையாற்றியவர். அவருடைய துணைவியார் திருமதி. ஞானசோதியன் அவர்களும் நீண்ட காலம் ஆசிரியராகக் கடமையாற்றி வருகின்றார். தீவக கல்வி வலயத்தின் மிகச் சிறந்த ஒரு சமூகக்கல்வி ஆசிரியராகக் கடமையாற்றி வருகிறார். இங்கு நீண்ட காலமாகக் கடமையாற்றி அணி மையில் அமரரான திரு. வ. தியாகராசா ஆசிரியர் இங்கு அர்ப்பணிப்புடன் கடமையாற்றினார். சமூகத்தில் நன்மதிப்பு பெற்றிருந்த ஆசிரியர்களில் இவரும் குறிப்பிடத்தக்கவர்.
இவ்வித்தியாலயத்தின் ஸ்தாபகர்கள் சைவம், தமிழ் ஆகிய இரண்டையும் முக்கியப்படுத்தி அதன் அடிப்படையில் கல்வி இலக்குகளாகக் கொண்டு கடமை
ஆற்றினார்கள். கால மாற்றங்களுக்கு ஏற்பகல்வியின் நோக்கங்களும் மாற்றமுற்று
செல்கின்றன. இப்பிரதேச மாணவர்களின் கல்வி முன்னேற்றத்தில் இன்னமும் வினைத்திறன் மிக்க ஒரு பாடசாலையாக இதை மாற்ற வேண்டும். பெளதிக வள விருத்திகளுடன் மட்டும் திருப்தியடைந்து விடாது சமூகத்தில் இருந்து வரும் மாணவர்களின் கல்வி அடைவுகளை மேலும் விருத்தியாக்கும் வகையில்
செயற்பாடுகளை பயனுறுதிமிக்க வகையில் ஆற்ற வேண்டும்.
சமூகம் எதிர் பார்க்கின்ற நன்மைகளை அடைந்துகொள்வதற்கு பயனுறுதி வாய்ந்த ஒரு பாடசாலையாக மாற்றுவதற்கு இவ்வித்தியாலய சமூகம் உழைக்க வேண்டும். அப்போது தான் நிலைத்து நிற்கக்கூடியதாக இருக்கும். கல்வி அடைவுகளை உயர்த்துவதற்கு பொருத்தமான மாற்றுத் திட்டங்களை செயற்படுத்த வேண்டும். அத்துடன் சமய, பண்பாட்டு ஒழுக்க நெறிகளுக்கு ஏற்ற வகையில் மாணவர்களை வளர்த்தெடுப்பதற் கேற்ப இணைக்கலைத்திட்ட செயற்பாடு
களிலும் அக்கறை செலுத்த வேண்டும்.
— ஓய்வுபெற்ற அதிபர் திரு.இ. ஞானசோதியன்
வேலணை ஒரு வரலாற்று அறிமுகம் நூலிலிருந்து
நன்றி நூலகம்.